राती राती भए पनि घाम आउँछ रे तिम्रो घरमा
परदेशीकै भए पनि खाम आउँछ रे तिम्रो घरमा ।

धेरै रैछन् नातागोता धेरै रैछन् चिनजानका
त्येसैले त नयाँ नयाँ काम आउछ रे तिम्रो घरमा ।

पूजापाठ गर्नलाई मन्दिर को त कुरै छोडौँ
खोज्दै खोज्दै तिम्लाई चारै धाम आउँछ रे तिम्रो घरमा ।

सुनेको छु सुख मानी साथ दिने पाइला पाइला
आज भोलि कलियुगका राम आउँछ रे तिम्रो घरमा ।

यो मन जस्तै त्यो मन भैदिएको भए
कष्टरहित जीवन भैदिएको भए ।

किन आँखा आँसु झाथ्र्याे, किन मुटु रुन्थ्यो ?
हामी बाँच्ने एउटै आँगन भैदिएको भए ।

जून बनाउँथे उनलाई तारा बनाउँथे
मेरै धर्ती मेरै गगन भैदिएको भए ।

हासाउँथे रिसाउँथेँ खुसी बनाउँथेँ 
हामी बिचमा अटुट बन्धन भैदिएको भए ।

ज्यान बचाउन नहुँदो रहेछ थाहा भयो
त्यो त आँदो रहेछ थाहा भयो ।

पुच्छर समाउँदा टोकेको हो मलार्ई
सपेरा टाउको समाउँदो रहेछ थाहा भयो ।

मैले भगवान् मानेर पूजा गर्ने मूर्ति
एक अछुतले बनाउँदो रहेछ थाहा भयो ।

जात बेजात अनि विवादहरूको माला
ज्ञानीहरूले पो लगाउँदो रहेछ थाहा भयो ।

अपराध गरेर अपराधी सरकारमा लुक्न जान्छ
लुटिसकेपछि गाउँ बजारमा लुक्न जान्छ 

जित्छु भन्दै खेल्दै घरबास उठेपछि
के गरोस् बदमास, कारागारमा लुक्न जान्छ 

आफू सहिद भएको खबर रेडियोमा सुनेदेखि
डराइरहन्छ प्रत्येक समाचारमा लुक्न जान्छ 

मुखिया हुँ भन्छ, बेथिति मिलाउँछु भन्छ
किन मुलुकको हरेक अत्याचारमा लुक्न जान्छ ?

अमन चयन चाहिन्छ शान्ती चाहिन्छ
उमेर अनुसार बाच्न आफन्ती चाहिन्छ 

मर्न एक्लै बाच्न एक्लै सकिने
तर बिवाह गर्दा किन जन्ती चाहिन्छ 

खोइ कुरा बुजेको नारा लाउदैमा देश बन्दैन
पढ्नु पर्छ पाढाउनु पर्छ शिक्षामा क्रान्ती चाहिन्छ

साचो हो मूर्ख हरुले ईतिहास मेटाउदा रहेछन
बुझियो घरभित्र पनि बाबू सामन्ती चाहिन्छ ।

एकान्तमा तिम्रो जस्तै बोली गुनगुन सुनेँ
उधारेर अलिकति खोली गुनगुन सुनेँ

रमाइला क्रियाकलाप याकलाप खास हुने रैछ
उतारिने गुन्यु अनि चोली गुनगुन सुनेँ 

कसैलार्ई कालो अनि कसैलार्ई रङ्गीन
रात विशेष फेरि हुने भोली गुनगुन सुनेँ

कत्ति धेरै रिस गर्यौ कत्ति धेरै डाहा
मेरै नाम पुकारेर गाली गुनगुन सुनेँ ।

आफ्नै मनसँग दूर भएपछि
ऊ सहर पसेको हो, मजबुर भएपछि

रैती बन्दाबन्दै ज्यान गुमाउनुपर्‍यो
यहाँका राजाहरू क्रुर भएपछि 

पर्दा उठेको र खसेको पत्तै नहुने रैछ
तिमीले दिने मनोरञ्जन भरपुर भएपछि 

मलार्ई जेल भित्र बस्न बाध्य पारियो
प्यार गर्न नजानेको उजुर भएपछि ।

तिम्रो सपना पनि रहर लाग्दो रहेछ
यसले त मलार्ई खाडी पुर्‍याउँदो रहेछ 

यी भिडहरूले केही खोजिरहेको देखिन्छ
यहाँ पैसा फल्छ भनेर कस्ले सुनाउँदो रहेछ

 
बस्तीमा पसेका स्यालहरुले बिजोग गरिसके
सिंह गर्जदैन हेरौ कानुन कस्ले बनाउँदो रहेछ

 
बाँच्नु  मात्र पर्छ सब देखिन्छ भन्थे
अचेल मान्छेसँग मान्छे डराउँदो रहेछ ।

कान्छो घर फर्केको हो युद्धविराम भएपछि
आमा अलि निदाउँछिन् मनमा आराम भएपछि 

यहाँबाट आदिवासी बाँच्न मात्र भागेका हुन्
हुने खाने धनीहरूको रणसङ्ग्राम भएपछि 

आफँैले नै खोज्नुपर्छ भात खाने मेलो अब
डराउनु हुन्न रै’छ पहेँलो घाम भएपछि 

छलेर नै खेलेको हुँ लिगलिगे दौडमा म
पुरस्कारमा तिम्रो सिउँदो पहिलो इनाम भएपछि ।

चाँदनी झैँ राती मात्र उनी आउँछिन् मेरो गली
प्यासी छु म, तड्पिएको सुनी आउँछिन् मेरो गली 

कसैदेखि लुक्दै छिप्दै कसैलार्ई गिज्याउँदै
कति धेरै तानाबाना बुनी आउँछिन् मेरो गली 

टलपल टलपल आफँभित्र खसी झर्ला जस्तो
उर्लिएको मन लार्ई थुनी आउँछिन् मेरो गली 

सके जति रित्याउन आफैँ खाली हुने गरी
एकै छिन होइन जुनी जुनी आउँछिन् मेरो गली ।

किन होला बाच्न  पनि, गाह्रो हुन थाल्यो  जिबन

आफ्नो भन्दा अरुको नै, प्यारो हुन थाल्यो  जिबन 

 

जता फर्की छाम्दा  पनि चट्टानै चट्टान जस्तो

आफैलाइ फोड्नु पर्ने, सारो हुन थाल्यो  जिबन

 

सबैलाई दुखाउने, रुवाउने सबैलाई

आँखामा बिजाउने, छारो हुन थाल्यो  जिबन 

 

न त बगी दिन्छ कतै, न त अडी दिन्छ 

ठोस हो कि तरल हो, पारो हुन थाल्यो  जिबन।

भेट्दिन भन्छ्यौ म त, हेरि चित्त बुझाउछु
पहिले जस्तो थिए त्यस्तै, फेरि चित्त बुझाउछु


तिमी टाडा भए पनि यादहरु म संग नै छ
त्यसैलाई अंगालोमा, बेरि चित्त बुझाउछु


भाग्यमा जो लेखिएको हुन्छ त्यहि मात्र
तिमी होइनौ रै छ भनि, मेरि चित्त बुझाउछु


छैन जिन्दगिमा अरु अघि पछि तिमी भन्दा
एक्लो जिवन, आफ्नै गला, सेरि चित्त बुझाउछु ।

तिम्रो जस्तो बाचा मैले गरे कति संग
दिन रातै बाचे अनि मरे कति संग

उदाउने घाम हेरि कति फुल फुले
डुबि जाने जुन सरि झरे कति संग

ईच्छा छैन तिमीले झै माया गर्ने मेरो
प्यास लाग्दा मनमा पानी  भरे कति संग

नदी जस्तै भेल आए कति जिन्दगीमा
कतिलाई छोडि दिए तरे कति संग ।









Water for Elephants

हुन्छ भने तिमीलाई, लिएर जान्छु
हुन्न भने मुटु फिर्ता, दिएर जान्छु

तिमी देखि छुट्टिएर बाच्नु ब्यर्थ हुन्छ
आफ्नै हातले पिलाउ बिष, पिएर जान्छु

तिम्रो लागी केहि, गर्न नसके नि
जबर जस्ति पागल, भएर जान्छु

समयको चक्र जति घुमे पनि
कहिले नभेटिने कसम, खाएर जान्छु ।


Sigh No More

जिउदै मरेको मान्छे म, जे गरे नि  हुन्छ
हेला गरेको मान्छे म, जे गरे नि हुन्छ

अरु संग बाचा गरि बाध्यतामा मेरो
सिउँदो  भरेको मान्छे म, जे गरे नि हुन्छ

चाहे जसलाई माया गर चाहे जसलाई प्रित
मन नपरेको मान्छे म, जे गरे नि हुन्छ

तिम्रो बनि फेरी फेरी एकै हुन्न सधै
पर सरेको मान्छे म, जे गरे नि हुन्छ

बाकी छैन अब केहि जोगाउन इज्जत
आफ्नैले हेरेको मान्छे म, जे गरे नि हुन्छ ।
The Adventures of Sherlock Holmes

.

राती राती भए पनि घाम आउंछरे तिम्रो घरमा
परदेशीकै भए पनि खाम आउंछरे तिम्रो घरमा

धेरै रैछन नाता गोता धेरै रैछन चिनजानका
त्यसैलेत नया नया काम आउंछरे तिम्रो घरमा

पुजा पाठ गर्नलाई मन्दिर धाउन पर्ने रैन्छ
खोज्दै खोज्दै तिम्लाई चारै धाम आउंछरे तिम्रो घरमा

सुनेको छु तिमीलाई साथदिन पाइला पाइला
आज भोली कलि युगका राम आउंछरे तिम्रो घरमा ।

Kindle Wireless Reading Device, Wi-Fi, Graphite, 6" Display with New E Ink Pearl Technology

जिन्दगीमा बगाउ म आँसु कतिनजेल

मृत्यू सैया माथी बसि हाँसु कतिनजेल


निस्टुरी को झुटो माया सम्झि सम्झि एकान्तमा

निर्जिब तस्बिर छाती माझ टाँसु कतिनजेल


पुरानो भै मैले देको माया च्यातियो रे

नजोडिने नाता तानि गाँसु कतिनजेल


यादै यादमा सारा जिबन अल्झाएर रािख

आफ्नो घरबार आफैले नै नाँसु कतिनजेल ।

घरि घरि नहेर न माया लाग्छ फेरि

मन परि नहेर न माया लाग्छ फेरि


कहिले यता कहिले उता लुका मारि जस्तो

सरि सरि नहेर न माया लाग्छ फेरि


लजाएर निहुरि दिन्छौ छिन्मै रिसाए झै

आंखा तरि नहेर न माया लाग्छ फेरि


अरुसगं बोल्छौ तर नजर मलाई छड्के

गरि गरि नहेर न माया लाग्छ फेरि ।

 

तिमी लाई सम्झि पागल-पागल हुने मन गर्दैछ  

एकान्तमा बसि एक्लै-एक्लै रुने मन गर्दैछ  



साच्चै तिमी क्षितिज बन्यौ टाढा बाट मात्र देख्ने

त्यही क्षितिज बनि तिमी-तिमी छुने मन गर्दैछ



आँशु पिउने हरु देख्छु कति मिठो हुन्छ होला

त्यस्तै आँशु बगाई आँखा-आँख धुने मन गर्दैछ



मैले कसम खाएको छु सबै सगं टाढा हुने

मिल्ने भए तिमी सगं-संगै  जाने मन गर्दैछ

nepaldekhinepalsamma@gmail.com

जसरि नि माया लाउछु भन्छिन उनि
श्रीमती छिन मेरी तर आउछु भन्छिन उनि

जे गरे नि मलाई पाउनु नै पर्ने
जसरी नि आफ्नो बनाउछु भन्छिन उनि

म भन्दा नि पर रंगिन छ दुनिया
तर मेरै जीवन सजाउछु भन्छिन उनि

अब देखि मेरो हुनु भयो हजुर भनि
जहाँ भेटे पनि लजाउछु भन्छिन उनि

nepaldekhinepalsamma@gmail.com